Pantalones traditionelles Weihnachtsgedicht in Mundart:
Du Chrischtkind los, i sag der eins
So Gschängg wie s letzscht Johr willi keins …
Du Chrischtkind los, i sag der eins
So Gschängg wie s letzscht Johr willi keins
Dä Musikplayer isch für d Katz
Dä het im Speicher zwenig Platz.
Är isch nid cool, het kei Design
D Kollege lache saugemein.
Gimmer der Schtutz
Denn kriegsch ä Schmutz.
Du Götti vergiss der Migros-Lade,
Mit Gschängg vo dört muesch di nid belade
Vergiss der Aldi, der Lidl, der Denner,
das Züüg willi nid, i bi doch kei Penner.
Das isch gruusig, voll der Mief
ich will numme s Exklusiv
Gimmer der Schtutz
Denn kriegsch ä Schmutz.
S letscht Johr sin die Hoose, Tante
Voll im Trend gsi, iiverstande.
Hüttä kasch si voll vergässe
Schänk mr si nid und tue mi nid stresse
I muess si suscht im Kaschte gammlig
Wärde lo für d Kleidersammlig.
Gimmer der Schtutz
Denn kriegsch ä Schmutz.
Einträge (RSS)
Das kasch jo glatt em Greis verkaufe! Glatti sach, wirklich. Schlimmste isch aber: Es isch ebe wohr.
Hesch gmerggt, dass es ebitz räppt, gäll!